Ich ha in dr letschte Wuche immer wider mol Sache barat glegt zum iipacke und bi mer immer sicher gsii, ich nimm nume so vill mit wie in 1 Koffer iine passt! Hüt han ich denn mol ahgfange, die ganze Chleider, Schueh,... in dr Koffer iiz'packe und han schnell gmerkt, dass ich kei Chance ha, alles in eine z'tue! Will mini Eltere nüt dergege gha hen, wenn ich 2 Köffere mitnimm han ichs mer denn eifach gmacht und mis Gepäck in 2 verteilt! Jetzt isch also au die Hürde mit em Packe gschafft und es cha los go!
Ich wird am Zischtig 10.40 losfliege! Es goht über Frankfurt uf New York, wo ich 5 Täg imene Camp vo dr Organisation bii! Am Samstig (28.8.) gohts denn witer via Chicago uf Kalamazoo (Michigan) wo mi mini Gastfamilie chunt cho abhole und mit mir uf Coldwater fahrt, wo ich 10 Mönet wird wohne!!
Ich wird mich denn döte wider mol uf dem Blog mälde und euch me verzelle...!
Keine Kommentare:
Kommentar veröffentlichen